Almennt

Skilmálar og reglur þessar ná til Klukkunnar ehf. kt. 600418-0760 („Klukkan“) og þeirra verslana sem fyrirtækið rekur hverju sinni.

Ef neytandi vill leggja fram kvörtun vegna vöru eða þjónustu, skal það gert með því að senda tölvupóst á netfangið klukkan@klukkan.is. Við svörum öllum kvörtunum eins fljótt og auðið er og að jafnaði innan 7 virkra daga. Komi uppi ágreiningur milli kaupanda og seljanda geta aðilar skotið slíku máli til Kærunefndar vöru- og þjónustukaupa  Borgartúni 29, 105 Reykjavík (www.kvth.is), til úrlausnar.

Skilaréttur

Hægt er að skipta vörum hjá okkur innan 90 daga frá því að varan er keypt. Skipti og skil í verslunum okkar eru alltaf án kostnaðar.

Við vöruskipti er ávallt miðað við gildandi söluverð vörunnar á skiptadegi, óháð því hvaða verð var greitt við upphafleg kaup. Þetta á meðal annars við um afsláttardaga, útsölur og aðrar tímabundnar tilboðsherferðir.

Réttur til að falla frá netkaupum

Þú hefur rétt til að falla frá kaupum í netverslun án þess að tilgreina ástæðu innan 14 daga frá þeim degi sem þú, eða annar sem þú tilgreindir (annar en flutningsaðilinn), fékkst vöruna í vörslu, sbr. lög nr. 16/2016 um neytendasamninga.

Til að nýta réttinn þarftu að tilkynna Klukkunni ehf., Nýbýlavegi 10, 200 Kópavogi, sími 554-4320, klukkan@klukkan.is, um ákvörðun þína með ótvíræðri yfirlýsingu, t.d. í tölvupósti eða með eyðublaði vegna uppsagnar á fjarsölusamningi. Nægilegt er að tilkynningin sé send áður en fresturinn rennur út.

Ef þú fellur frá kaupum endurgreiðum við vöruna án ástæðulausrar tafar og eigi síðar en 14 dögum eftir að tilkynningin berst, á sama greiðslumáta og notaður var við kaupin. Sé öll pöntunin send til baka endurgreiðum við einnig upphaflegan sendingarkostnað (þó ekki viðbótarkostnað ef valinn var dýrari afhendingarmáti en sá ódýrasti sem við bjóðum). Við getum beðið með endurgreiðslu þar til varan hefur borist okkur eða þú hefur lagt fram sönnun fyrir endursendingu.

Skila þarf vörunni í eina af verslunum okkar, eða senda hana til Klukkunnar, Nýbýlavegi 10, 200 Kópavogi, án ástæðulausrar tafar og eigi síðar en 14 dögum eftir að þú tilkynnir okkur um ákvörðun þína. Kostnaður við að senda vöru til baka greiðist af kaupanda. Frítt er að skila í verslunum okkar. Þú berð aðeins ábyrgð á rýrnun á verðgildi vörunnar sem stafar af annarri meðferð en þeirri sem nauðsynleg er til að staðfesta eiginleika, einkenni og virkni hennar.

Réttur til að falla frá kaupum gildir ekki um vörur sem eru sérsmíðaðar eða merktar kaupanda, t.d. vörur með áletrun.

Sé vara gölluð eða röng berum við allan kostnað, þar á meðal við endursendingu.

Afhending

Pantanir má sækja í verslanir okkar á Nýbýlavegi 10, í Kringlunni, Smáralind og Firði eða fá sendar með Dropp eða Flytjanda. Pantanir eru sendar út alla virka daga. Sendingarkostnaður fer eftir afhendingarmáta og er enginn ef verslað er fyrir 15.000 kr. eða meira. Verðskrá og afhendingartíma má sjá á síðunni Afhending.

Ef vörur eru staðsettar í annarri verslun Klukkunnar en þeirri sem afgreiðir pöntunina getur afhending tekið um einum virkum degi lengur, og vörur með áletrun geta tekið lengri tíma. Afhending fer eftir áætlun Dropp og Flytjanda hverju sinni og getur raskast.

Gallar og ábyrgð

Allar vörur eru í ábyrgð samkvæmt lögum nr. 48/2003 um neytendakaup. Komi galli í ljós innan tveggja ára frá afhendingu, getur neytandi átt rétt á viðgerð, nýrri vöru, afslætti eða riftun, eins og mælt er fyrir um í 26. og 27. gr. laganna. Gallar skulu tilkynntir innan tveggja ára frá afhendingu. Ef söluhlut er ætlaður verulega lengri endingartími en almennt gerist, getur frestur til að bera fyrri galla verði allt að fimm ár frá afhendingu, sbr. 2. málslið 2. mgr. 27. gr. laga nr. 48/2003. 

Takist ekki að lagfæra vöru mun Klukkan afhenda kaupanda sambærilega, eða
endurgreiða sé þess ekki kostur. Almennt er að hámarki reynt að laga viðkomandi vöru tvisvar áður en um afhending nýrrar vöru eða endurgreiðslu er að ræða.

Ábyrgð Klukkunnar nær ekki til:
1. Bilana og áverka vegna vanrækslu og illrar meðferðar.
2. Bilana vegna raka og móðu, sé úrið ekki vatnsþétt (5ATM).

Telji kaupandi að um galla sé að ræða er hægt að hafa samband við Klukkuna á netfangið klukkan@klukkan.is, eða í síma 554-4320 á opnunartíma verslunar.

Viðgerðarþjónusta

Eftirfarandi gildir um úr, skartgripi og aðra hluti sem viðskiptavinur afhendir verslunum Klukkunnar til viðgerðar, mats eða þjónustu. Með afhendingu hlutar og greiðslu móttökugjalds samþykkir viðskiptavinur þessa skilmála. Um þjónustuna gilda að öðru leyti lög um þjónustukaup nr. 42/2000.

Móttaka og móttökugjald

Við móttöku er hluturinn skráður í viðgerðakerfi Klukkunnar og viðskiptavinur fær staðfestingu með viðgerðarnúmeri í SMS á skráð símanúmer. Greitt er móttökugjald við skráningu samkvæmt gildandi verðskrá. Móttökugjaldið dregst frá endanlegu verði viðgerðar sé hún framkvæmd, en endurgreiðist ekki sé hætt við viðgerð eða kostnaðaráætlun hafnað, enda stendur það þá fyrir skoðun, mati og umsýslu. Viðskiptavinur ber ábyrgð á að skráð símanúmer og netfang séu rétt. Tilkynningar Klukkunnar teljast komnar til skila þegar þær eru sendar á skráð símanúmer eða netfang.

Kostnaðaráætlun og samþykki

Þurfi viðgerð að kosta meira en nemur móttökugjaldi, eða sé ekki unnt að gefa upp fast verð við móttöku, sendir Klukkan kostnaðaráætlun í SMS eða tölvupósti með hlekk þar sem viðskiptavinur samþykkir eða hafnar. Viðgerð hefst ekki fyrr en samþykki liggur fyrir og samþykki um hlekkinn jafngildir skriflegu samþykki. Berist ekkert svar er áætlunin ítrekuð eftir 3 og 10 daga. Berist ekkert svar innan 21 dags frá sendingu áætlunar lítur Klukkan svo á að ekki sé óskað eftir viðgerð; hluturinn er þá settur saman og viðskiptavini tilkynnt í SMS að hann sé tilbúinn til afhendingar án viðgerðar. Móttökugjald stendur og reglur um geymslu og ráðstöfun hér að neðan gilda frá þeim degi.

Tilkynning um að hlutur sé tilbúinn

Þegar viðgerð er lokið, eða ákveðið hefur verið að ekki verði gert við, sendir Klukkan tilkynningu í SMS á skráð símanúmer. Sé hluturinn ekki sóttur eru sendar áminningar 7 og 21 degi eftir tilkynningu og lokatilkynning 75 dögum eftir hana, í SMS og í tölvupósti sé netfang skráð, með 30 daga fresti til að sækja hlutinn. Allar tilkynningar eru skráðar með dagsetningu í feril viðgerðarinnar. Tilkynning sem send er á skráð símanúmer eða netfang telst gild þótt hún berist viðskiptavini seint eða ekki, sbr. 39. gr. laga um þjónustukaup.

Geymsla og ráðstöfun ósóttra hluta

Hlutur sem ekki er sóttur eftir að tilkynnt hefur verið að hann sé tilbúinn er geymdur á ábyrgð og kostnað viðskiptavinar, sbr. 37. gr. laga um þjónustukaup, og Klukkan á haldsrétt í hlutnum þar til viðgerð og áfallinn kostnaður er greiddur. Hafi hlutur ekki verið sóttur þremur mánuðum eftir tilkynningu og viðskiptavinur ekki brugðist við lokatilkynningu innan þess frests sem þar er gefinn áskilur Klukkan sér rétt, skv. 38. gr. laga um þjónustukaup, til að selja hlutinn á tryggilegan hátt upp í áfallinn kostnað vegna viðgerðar, umsýslu og geymslu. Sé sala ómöguleg eða kostnaður við hana augljóslega meiri en söluverðið má farga hlutnum. Andvirði umfram kröfu Klukkunnar er endurgreitt viðskiptavini án tafar, geri hann kröfu um það. Ráðstöfun er skráð í feril viðgerðarinnar með dagsetningu, aðferð og fjárhæð.

Greiðsla og afhending

Viðgerð er greidd við afhendingu í þeirri verslun sem hluturinn er afhentur í. Hlutur er afhentur gegn viðgerðarnúmeri úr SMS-staðfestingunni eða staðfestingu á skráðu símanúmeri. Viðskiptavinur getur óskað eftir að hluturinn sé afhentur í annarri verslun Klukkunnar.

Persónuverndarstefna:

Heimsending og ferill pantana

Klukkunni ehf. er umhugað um persónuvernd og öryggi gagna sem fyrirtækið meðhöndlar. Í persónuverndarstefnu Klukkunnar kemur fram í hvaða tilgangi persónuupplýsingum er safnað og hvernig farið er með slík gögn. Markmið okkar er að viðskiptavinir, samstarfsaðilar og aðrir einstaklingar, séu upplýstir um hvernig fyrirtækið safnar og vinnur persónuupplýsingar.

Klukkan er ábyrgðaraðili þeirra persónuupplýsinga sem veittar eru fyrirtækinu. Hægt er senda skriflega fyrirspurn til fyrirtækisins um meðferð persónuupplýsinga á netfangið klukkan@klukkan.is.

Persónuupplýsingar eru sérhverjar persónugreindar eða persónugreinanlegar upplýsingar um hinn skráða, þ.e. upplýsingar sem beint eða óbeint má rekja til tiltekins einstaklings, samkvæmt skilgreiningu persónuverndarlaga. Gögn sem eru ópersónugreinanleg teljast ekki persónuupplýsingar.

Um meðferð Klukkunnar á persónuupplýsingum fer samkvæmt gildandi lögum um persónuvernd og meðferð persónuupplýsinga eins og þau eru á hverjum tíma á Íslandi.

Söfnun og meðhöndlun persónuupplýsinga

Klukkan safnar persónuupplýsingum um viðskiptavini sína til að veita þeim aðgang að vörum og þjónustu í samræmi við ákvæði viðskiptasamninga, til að tryggja að þjónusta sé löguð að þeirra þörfum og til að miðla upplýsingum til þeirra í markaðslegum tilgangi. Markmiðið með upplýsingasöfnun er fyrst og fremst að þjónusta viðskiptavini betur og aðlaga og bæta upplifun þeirra af þjónustu Klukkunnar.

Í tengslum við viðgerðarþjónustu skráir Klukkan nafn, símanúmer, netfang og eftir atvikum kennitölu viðskiptavinar til að sinna viðgerðinni, senda tilkynningar og uppfylla lagaskyldur. Þær upplýsingar eru ekki notaðar í markaðsskyni nema viðskiptavinur samþykki það sérstaklega.

Klukkan safnar einungis persónuupplýsingum sem nauðsynlegar eru til að veita viðeigandi þjónustu hverju sinni. Kjósi viðskiptavinur að veita ekki persónuupplýsingar er möguleiki á að Klukkan geti ekki útvegað viðkomandi aðila vörur eða veitt þjónustu.

Klukkan nýtir aldrei persónuupplýsingar í öðrum tilgangi en þeim sem var aflað fyrir. Gögn eru geymd eins lengi og nauðsynlegt er miðað við tilgang vinnslu og skilmála samninga, nema þegar lög og reglur kveða á um lengri geymslutíma.

Viðskipti einstaklinga

Klukkan safnar upplýsingum um viðskiptavini sína í tengslum við einstök viðskipti. Þannig safnar Klukkan m.a. samskiptaupplýsingum við viðskiptavini, upplýsingum um þá vöru og/eða þjónustu sem keypt er, t.d. vörunúmer og verð.

Gerist viðskiptavinur brotlegur við lög í samskiptum eða viðskiptum sínum við Klukkuna kann að vera unnið með upplýsingar um brot á grundvelli lögmætra hagsmuna fyrirtækisins. Þá kunna brot að vera tilkynnt til lögreglu.

Póstlisti og símaskilaboð

Klukkan vinnur með tölvupóstfang, sem einstaklingur hefur skráð og samþykkt notkun á fyrirfram, í útsendingum á markpósti og/eða símskilaboðum til einstaklinga á póstlista og/eða símanúmeralista fyrirtækisins. Enn fremur getur einstaklingur valkvætt skráð eða heimilað skráningu ítarlegri persónuupplýsinga. Þá er óskað eftir samþykki til þess að vinna með upplýsingar um kaup hans á vörum og þjónustu Klukkunnar í því skyni að stunda markaðssetningu á vörum og þjónustu Klukkunnar. Með skráningu þessara valkvæðu upplýsinga samþykkir einstaklingur að Klukkan megi samkeyra upplýsingar um hann úr öðrum viðskiptakerfum fyrirtækisins, s.s. sölukerfi og CRM-kerfi (e. Customer relationship management), til þess að geta veitt betri þjónustu og sent út einstaklingsmiðaðri skilaboð.

Þessi vinnsla byggir á samþykki og er einstaklingi alltaf heimilt hvenær sem er að afturkalla samþykki sitt og afskrá sig af póstlista og/eða lista símskilaboða fyrirtækisins með því að ýta á þar til gerðan hlekk í markpóstum, senda póst á netfangið klukkan@klukkan.is eða hringja í síma 554-4320.

Forsvarsmenn fyrirtækja og stofnana

Komi einstaklingur fram fyrir hönd samstarfsaðila Klukkunnar, s.s. birgja, verktaka eða viðskiptamanns sem er lögaðili, kann Klukkan að vinna með tengiliða upplýsingar hans, s.s. nafn, símanúmer og tölvupóstfang. Þá kann Klukkan að vinna með samskiptasögu og eftir atvikum reikningsupplýsingar. Þessi vinnsla er fyrirtækinu nauðsynleg til að geta uppfyllt skyldur sínar á grundvelli samnings við viðkomandi samstarfsaðila. Þá kann fyrirtækinu að vera skylt að vinna með slíkar upplýsingar á grundvelli lagaskyldu, s.s. bókhaldslaga.

Ábendingar og/eða athugasemdir frá viðskiptavinum

Ef einstaklingur sendir inn ábendingu eða kvörtun mun Klukkan almennt vinna með samskiptaupplýsingar hans, s.s. nafn og netfang, og efni þeirrar kvörtunar eða ábendingar sem hann hefur kosið að koma á framfæri. Upplýsingar eru geymdar eins lengi og nauðsynlegt er miðað við tilgang vinnslu.

Miðlun persónuupplýsinga

Klukkan nýtir aldrei persónuupplýsingar í öðrum tilgangi en þeim sem þeim var aflað í. Klukkan miðlar ekki persónuupplýsingum til þriðja aðila nema að fengnu samþykki, í samræmi við ákvæði viðskiptasamninga, á grundvelli lögmætra hagsmuna fyrirtækisins eða á grundvelli lagaskyldu.

Klukkan áskilur sér rétt til að miðla persónuupplýsingum til þriðja aðila (vinnsluaðila) sem er þjónustuveitandi, umboðsmaður eða verktaki Klukkunnar í þeim tilgangi að veita þjónustu sem beðið hefur verið um.

Klukkan deilir upplýsingum, í tölfræðilegum tilgangi, með vinnsluaðilum sem vinna með fyrirtækinu við gæða- og markaðsstarf. Klukkan afhendir vinnsluaðilunum einungis þær persónuupplýsingar sem eru nauðsynlegar fyrir þá í framangreindum tilgangi og gerður er við þá samningur þar sem þeir undirgangast skyldu um að halda upplýsingum um einstaklinga öruggum og nota þær einungis í framangreindum tilgangi.

Allir vinnsluaðilar Klukkunnar og samstarfsaðilar undirrita viðeigandi trúnaðaryfirlýsingu og vinnslusamning í samræmi við ákvæði persónuverndarlaga. Klukkan tryggir þannig vernd persónuupplýsinga í samræmi við lög og reglur um persónuvernd eins og þau eru á hverjum tíma. Þar á meðal með mótun öryggisstefnu um meðferð og öryggi persónuupplýsinga og setningu öryggis- og verklagsreglna eins og krafist er í persónuverndarlögum.

Í þeim tilfellum þegar þriðji aðili (vinnsluaðili) fær aðgang að persónuupplýsingum, tryggir Klukkan trúnað og að gögnum sé eytt að vinnslu lokinni. Klukkan leigir aldrei eða selur persónuupplýsingar um viðskiptavini.

Öryggi gagna

Klukkan leggur áherslu á að tryggja að varðveislu persónuupplýsinga sé háttað á öruggan máta, að viðeigandi tæknilegar og skipulagslegar öryggisráðstafanir séu gerðar til að tryggja mesta öryggi gagna hverju sinni.

Þessum ráðstöfunum er ætlað að vernda persónuupplýsingar gegn því að þær glatist eða breytist fyrir slysni og gegn óleyfilegum aðgangi, afritun, notkun eða miðlun þeirra. 

Öll samskipti við vefþjóna Klukkunnar eru dulkóðuð yfir öruggar vefslóðir (HTTPS).

Réttindi þín

Einstaklingur á rétt á og getur óskað eftir að Klukkan veiti honum upplýsingar um þær persónuupplýsingar sem fyrirtækið býr yfir sem og um vinnslu og meðferð upplýsinga um hann. Þá kann einnig að vera að einstaklingur hafi rétt á að fá afrit af upplýsingunum. Við ákveðnar aðstæður getur einstaklingur farið fram á það við fyrirtækið að við sendum upplýsingar, sem hann hefur sjálfur látið okkur í té eða stafa frá honum, beint til þriðja aðila.

Einstaklingur á rétt á því í vissum tilvikum að persónuupplýsingar um hann séu leiðréttar eða þeim eytt, t.d. ef upplýsingarnar eru ekki lengur nauðsynlegar í þágu þess tilgangs sem þeirra var upphaflega aflað.

Vilji einstaklingur ekki láta eyða upplýsingum sínum, t.d. vegna þess að hann þarf á þeim að halda til að verjast kröfu, en vill samt sem áður að þær séu ekki unnar frekar af hálfu fyrirtækisins getur hann óskað eftir því að vinnsla þeirra verði takmörkuð.

Sé vinnsla á persónuupplýsingum einstaklings byggð á lögmætum hagsmunum fyrirtækisins á hann einnig rétt á að mótmæla þeirri vinnslu.

Framangreind réttindi einstaklingsins eru þó ekki fortakslaus. Þannig kunna lög að skylda fyrirtækið til að hafna ósk um eyðingu eða aðgang að gögnum. Þá getur fyrirtækið hafnað beiðni hans vegna réttinda fyrirtækisins, s.s. á grundvelli hugverkaréttar, eða réttinda annarra aðila, s.s. til friðhelgi einkalífs, telji fyrirtækið þau réttindi vega þyngra. Réttindi þín til að mótmæla vinnslu í markaðssetningar tilgangi er þó skilyrðislaus.

Einstaklingi verður tilkynnt og gefin skýring ef töf verður á afgreiðslu eða ef ekki er unnt að verðavið beiðninni að fullu eigi síðar en mánuði frá móttöku hennar. Einstaklingur getur kvartað til Persónuverndar (www.personuvernd.is) ef Klukkan neitar að afhenda honum ákveðnar upplýsingar eða ef einstaklingur er ósáttur við vinnslu Klukkunnar á persónuupplýsingum.

Ef upp koma aðstæður þar sem að fyrirtækið getur ekki orðið við beiðni einstaklings mun fyrirtækið leitast við að útskýra hvers vegna beiðninni hefur verið hafnað, þó með tilliti til takmarkana á grundvelli lagaskyldu.

Vafrakökur (e. cookies)

"Cookies“ eða vafrakökur eru upplýsingar sem vefforrit neytanda geymir í tölvu hans að beiðni netþjóna. Klukkan notar þessar upplýsingar m.a. til að bera kennsl á notandann og vita hversu oft hann heimsækir vefsíðuna/vefverslunina, hvað neytandi setur í körfuna sína, hvernig fyrri pantanir neytanda voru og til að kynna neytanda fyrir vörum sem gætu vakið áhuga.

Vafrakökurnar eru hannaðar til að þjóna þörfum neytanda og notar Klukkan vefkökur aðallega til að gera vefsíðuna og vefverslunina ánægjulegri í notkun fyrir neytandann og bæta hans upplifun.

Vafrakökurnar eru ýmist notaðar fyrir tilteknar þjónustuleiðir eða til þess að safna tölfræðilegum upplýsingum til að bæta vefsíðu Klukkunnar. Sumar vafrakökurnar eru tímabundnar og hverfa því þegar notandinn fer af vefsvæðinu en aðrar haldast lengur inni. Viðvarandi vafrakökur vistast á tölvu notandans og muna val og/eða aðgerðir hans á vefsvæðinu og muna því fyrri aðgerðir til að gera notandanum auðveldara fyrir að vafra um vefsvæðið. Að auki eru notaðar staðbundnar vafrakökur sem eru tengdar tilteknum markaðsherferðum og hverfa þegar herferðunum lýkur.

Flestir vafrar eru stilltir þannig að þeir taka sjálfvirkt við vafrakökum en hægt er að stilla þá þannig að neytandi þurfi að samþykkja hvert tilvik. Enda þótt neytandi kjósi að leyfa ekki vafrakökur getur neytandi samt sem áður notað flest alla hluta vefsíðu Klukkunnar, þar á meðal verslunarkerfið.

Með því að nota vefverslun Klukkunnar samþykkir kaupandi að Klukkan safni upplýsingum sjálfkrafa með vafrakökum.

Nánari upplýsingar varðandi eyðingu eða stjórn á vafrakökum er að finna á http://www.aboutcookies.org.uk/. Möguleikar neytanda á notkun vefsíðu Klukkunnar gætu takmarkast við slíkar breytingar.

Endurskoðun stefnu

Persónuverndarstefna Klukkunnar er endurskoðuð reglulega og stefna fyrirtækisins er að vera eins skýr og berorð um hvernig fyrirtækið safnar persónuupplýsingum og í hvaða tilgangi upplýsingarnar eru notaðar.

Klukkan áskilur sér rétt til þess að breyta persónuverndarstefnunni hvenær sem er, án fyrirvara.

Allar fyrirspurnir um meðhöndlun persónuupplýsinga og persónuverndarstefnu Klukkunnar skal senda á netfangið klukkan@klukkan.is eða í síma 554-4320.

Þessi persónuverndarstefna var sett þann 13. janúar 2025.