Göt í eyru | Fljótlegt og einfalt

Það er ótrúlega einfalt og fljótlegt að fá göt í eyru.

Þú færð göt í eyru í verslunum okkar á Nýbýlavegi 10 og í Kringlunni, en ferlið hefur aldrei verið þægilegra.

Í upphafi eru notaðir einfaldir og dauðhreinsaðir eyrnalokkar. Eigum yfir 20 gerðir af mismunandi lokkum, t.d. með steinum, perlum, blóm og fleiri skemmtilegar gerðir.

Eftir nokkrar vikur má svo skipta yfir í aðra lokka.

Verð

Verð á 2 lokkum er 5.990 kr., á 1 lokk 3.990 kr. og er götunin innifalin. Við veitum svo alla þá ráðgjöf sem þarf til í eftirfylgninni.

Reglur vegna götunar á eyrnasneplum

Ekki þarf að panta tíma fyrir götun.
Ef einstaklingur er undir 18 ára aldri þarf leyfi forráðamanns. Sé forráðamaður ekki á staðnum þarf skriflegt leyfi.
Lágmarksaldur 4 ára.
Ekki er leyfilegt að gata einstakling undir áhrifum vímuefna.
Eyrnalokkar sem settir eru í eyrnasneplana koma í dauðhreinsuðum umbúðum frá framleiðanda og innihalda ekki ofnæmisvalda ss. nikkel eða önnur efnasambönd þess.
Einungis er gert gat í eyrnasnepla, ekki brjósk

Viðmiðunarreglur um umhirðu eftir húðgötun í eyrnasnepla

Lokkana skal hafa í eyrunum í ca. 8 vikur, en að sjálfsögðu má hafa lengur, því lengur því betra. Einnig skal alltaf hafa einhverja lokka í götunum fyrsta árið. Best er að notast við ekta málma (silfur, gull eða stál) en ekki málmblöndur.
Mælt er með að sótthreinsa í kringum götun 1-2x á dag í ca. mánuð.
Ekki taka lokkana úr á meðan hreinsað er.

Mælum með spritti til að sótthreinsa með
Dýfið eyrnapinnum í sprittið eða vætið bómul og berið vel á eyrnasnepilinn bæði að framan og aftan með lokkana í. Gætið þess að sprittið komist vel að götunum sjálfum.

Alls ekki snúa lokkunum og ekki snerta þá að óþörfu.
Mælum ekki með sundi næstu 2-3 daga, en sturtur og böð eru að sjálfsögðu í lagi
Komi upp sýking, hafa komist óhreinindi að gatinu/sárinu og því ber að hreinsa það mjög vel. Í slæmum sýkingartilfellum er mælt með að bera Fucidin á svæðið en það má fá gegn lyfseðli í næsta apóteki. Í einstaka tilfellum þarf að taka lokkana úr og leyfa götunum að gróa.