Hringar

Einfaldast er að koma í verslun og fá mælingu, eða bera saman við hring sem passar á sama fingur. Mældu síðdegis þegar fingurnir eru hlýir og veldu frekar hálfri stærð stærra fyrir breiða hringa.

Flestum hringum úr gulli og silfri er hægt að breyta og gullsmiður okkar sér um það. Hringum með steinum allan hringinn og stálhringum er yfirleitt ekki hægt að breyta, svo þar skiptir máli að velja rétta stærð strax.

Á Íslandi er hefð fyrir því að parið beri samstæða trúlofunarhringa á hægri hendi og færi þá yfir á vinstri hönd við giftingu. Margir bæta svo við hring með steini. Í úrvali okkar eru bæði einfaldir gullhringar og demantshringar.

Við bjóðum hringa úr 14k gulli, hvítagulli, 925 silfri, gylltu silfri og ryðfríu stáli. Efni og steinar koma fram í lýsingu hvers hrings.